Шымкенттік «Ордабасы» үшінші оқу-жаттығу жиыны аясында төрт жолдастық кездесу өткізеді, деп жазады Prosports.kz.
Клубтың баспасөз қызметінің жазуынша, шымкенттіктердің кезекті жаттығу жиыны да Түркияда өтеді.
«Ордабасы» 13 ақпанда арменияның «Алашкерт» клубымен, 16 ақпанда украиналық «Ворскла» командасымен кездеседі.
Кахабер Цхададзе шәкірттері 20 ақпанда екі бірдей ойын өткізеді. Таңертең польшалық «Подбескидзе» клубымен, ал сол күні кеште ресейлік «Арсенал» клубымен кездеседі.